Innovatsion rivojlanish vazirligida oliy taʼlim muassasalarining ilmiy va innovatsion faoliyatini baholash boʻyicha oʻtkazilgan attestatsiya jarayonida yuqori ball olgan ilmiy ishlar va innovatsiyalar boʻyicha prorektor va direktor oʻrinbosarlarini hamda vazirlik otaligʻidagi ixtisoslashtirilgan maktablarning pedagog-xodimlarini “Innovatsion gʻoyalar yetakchisi” koʻkrak nishoni bilan taqdirlash marosimi boʻlib oʻtdi.
Oʻz vazifalarini sidqidildan bajargan rahbarlarga koʻkrak nishonlarini innovatsion rivojlanish vaziri Ibrohim Abdurahmonov topshirdi.
-- Bugunda ilmiy ishlar va innovatsiyalar boʻyicha prorektorlarning katta vazifa turibdi, -- dedi vazir. -- Universitetlarning aksariyati soʻnggi yillarda faqat taʼlim muassasasi boʻlib qolayotgandi. Endi ularni ilm-fan bilan jiddiy shugʻullanadigan akademik taʼlim maskaniga aylantirish davri keldi. Tadqiqotlar bilan jiddiy shugʻullanayotgan, yangilik yaratayotgan, oʻz ustida tinimsiz ishlayotgan olimlarimiz talabalarga taʼlim berishi lozim. Toki ularning yaratuvchanlik ruhi yosh qalblarga singsin, haqiqiy ilm bilan shugʻullanuvchi yosh avlod shakllansin.
Joriy yildan baholash natijalariga koʻra oliy taʼlim muassasalari va ilmiy tashkilotlar rahbarlari, shu jumladan rektor (direktor) hamda ularning ilmiy ishlar va innovatsiyalar boʻyicha prorektoriga (direktor oʻrinbosariga) nisbatan ragʻbatlantirish belgilandi. Endilikda har yili Oʻqituvchilar va murabbiylar kuni munosabati bilan oliy taʼlim muassasalarida ilm-fanning rivojlanishiga va innovatsiyalarning joriy etilishiga masʼul rahbarlar, shuningdek pedagog-xodimlar mazkur mukofot bilan taqdirlanadilar.
“Innovatsion gʻoyalar yetakchisi” koʻkrak nishoni bilan taqdirlangan oliy taʼlim muassasalarining ilmiy va innovatsion faoliyatini baholash boʻyicha oʻtkazilgan attestatsiya jarayonida yuqori ball olgan ilmiy ishlar va innovatsiyalar boʻyicha prorektorlar (direktor oʻrinbosari) hamda ixtisoslashtirilgan maktab-internatlari pedagog-xodimlari
| T/r | F.I.Sh. | Oliy taʼlim muassasasi nomi |
| 1. | Turgʻunboyev Rashidjon Muxtorovich | Oʻzbekiston davlat sanʼat va madaniyat instituti Fargʻona mintaqaviy filiali, Ilmiy ishlar va innovatsiyalar boʻyicha direktor oʻrinbosari |
| 2. | Ergashev Oybek Karimovich | Namangan muhandislik-texnologiya instituti, Ilmiy ishlar va innovatsiyalar boʻyicha prorektori |
| 3. | Sultanov Toxirjon Zakirovich | Toshkent irrigatsiya va qishloq xoʻjaligini mexanizatsiyalash muhandislari instituti, Ilmiy ishlar va innovatsiyalar boʻyicha prorektori |
| 4. | Aslanova Dilbar Xasanovna | Samarqand iqtisodiyot va servis instituti, Ilmiy ishlar va innovatsiyalar boʻyicha prorektori |
| 5. | Tovboyev Sirojiddin Axbutayevich | Jizzax politexnika instituti, Ilmiy ishlar va innovatsiyalar boʻyicha prorektori |
| 6. | Ziyodullayev Shuxrat Xudoyberdiyevich | Samarqand tibbiyot instituti, Ilmiy ishlar va innovatsiyalar boʻyicha prorektori |
| 7. | Uzoqov Gʻulom Norboyevich | Qarshi muhandislik-iqtisodiyot instituti, Ilmiy ishlar va innovatsiyalar boʻyicha prorektori |
| 8. | Mexmonov Sultonali Umaraliyevich | Toshkent moliya instituti, Ilmiy ishlar va innovatsiyalar boʻyicha prorektori |
| 9. | Qodirxonov Murodxon Rashidxonovich | Namangan davlat universiteti, Ilmiy ishlar va innovatsiyalar boʻyicha prorektori |
| 10. | Isoqov Maqsud Uzoqovich | Geologiya fanlari universiteti, Ilmiy ishlar va innovatsiyalar boʻyicha prorektori |
| 11. | Yuldasheva Nilufar Abdukadirovna | Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatining maʼnaviy va maʼrifiy ishlar boʻyicha direktor oʻrinbosari |
| 12. | Tolipova Jamila Olimjonovna | Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatining ixtisoslashtirilgan fanlar boʻyicha direktor oʻrinbosari |
| 13. | Toshmatov Monalit Zoxidjonovich | Mirzo Ulugʻbek nomidagi ixtisoslashtirilgan davlat umumtaʼlim maktab-internatida laboranti |
| 14. | Izbayev Bexruz Azizovich | Mirzo Ulugʻbek nomidagi ixtisoslashtirilgan davlat umumtaʼlim maktab-internatida oʻquvchisi |
Innovatsion g‘oyalar yetakchisi» ko‘krak nishoni sovrindorlarini tabriklaymiz va ularning keyingi ishlariga muvaffaqiyatlar tilaymiz!
