Bugun, 25-noyabr kuni “Innoweek 2021” Innovatsion gʻoyalar haftaligi doirasida Oʻzbekiston Respublikasi Innovatsion rivojlanish vaziri I.Yu.Abdurahmonov YUNESKOning Toshkentdagi vakolatxonasi rahbari Aleksandros Makarigakis bilan uchrashdi.
Uchrashuv davomida qoʻyidagi masalalar muhokama qilindi:
1. YUNESKO-IBR “UNESCO Global Observatory of Science, Technology and Innovation Policy Instruments (GO→SPIN) towards strengthening inclusive Science, Technology, Innovation (STI) Systems for the Sustainable Development Goals” loyiha doirasidagi Oʻzbekiston Respublikasining fan, texnika va innovatsiyalar sohasidagi Milliy siyosatini ishlab chiqish boʻyicha ishlarni yakunlash;
2. Oʻzbekistonda fan va innovatsiyalar sohasida ilmmetriyaning xalqaro standartlarini joriy qilish boʻyicha takliflarni ishlab chiqish doirasida faoliyatni amalga oshirish;
3. Innovatsion rivojlanish vazirligi va YUNESKOning Toshkentdagi vakolatxonasi oʻrtasidagi hamkorlikning keyingi yoʻnalishlari koʻrib chiqildi.
Uchrashuv yakunida YUNESKOning Toshkentdagi vakolatxonasi va Ilmiy-texnik axborot markazi yuqorida keltirilgan ikki band boʻyicha hamkorlik olib borish toʻgʻrisida kelishuv imzolashdi.
