Joriy yilning 11-12-may kunlari Ilmiy-texnik axborot markazi Ilmmetriyani rivojlantirish boʻlimi boshligʻi D.Abdumuminova va Ustuvor yoʻnalishlar samaradorligini tahlil qilish boshqarmasi boshligʻi X.Yakubov Oʻzbekiston Respublikasi Fanlar Akademiyasi akademik S.Y. Yunusov nomidagi Oʻsimlik moddalari kimyosi ilmiy-tadqiqot instituti, hamda U.Arifov nomidagi Ion-plazma va lazer texnologiyalari instituti xodimlari va talabalari uchun “Ilmmetriya asoslari va xalqaro maʼlumotlar bazalari” mavzusidagi oʻquv seminarda maʼruza bilan ishtirok etishdi.
Seminar davomida Markaz tomonidan mamlakatdagi ilmiy faoliyat bilan shugʻullanuvchilar uchun yoʻlga qoʻyilayotgan ishlar, xalqaro bazalar va ilmiy jurnallarning oʻrni haqida gapirib oʻtishdi. Shuningdek, Scopus, Web of Science kabi maʼlumotlar bazalari, SpringerLink platformasi, hamda Proof-reading servisi imkoniyatlari haqida gapirib oʻtishdi. Seminar davomida ilmiy tadqiqot institutlarning Web of Science Core Collection maʼlumotlar bazasidagi nashriyot faoliyatlari tahlil qilindi. Tadbir soʻnggida tinglovchilar oʻzlarini qiziqtirgan barcha savollarga javob oldilar.
