12-sentabr kuni Samarqand davlat universitetida “Texnologiyalarni tijoratlashtirish va startap loyihalarni amalga oshirish” mavzusida mahorat darsi boshlandi. Seminar Oliy taʼlim, fan va innovatsiyalar vazirligi tashabbusi bilan Jahon Bankining “O‘zbekiston milliy innovatsion tizimini modernizatsiya qilish” (MUNIS) loyihasi doirasida o’tkazilmoqda. Ushbu tadbirda Samarqand viloyatidagi oliy ta’lim muassasalari va ilmiy tadqiqot institutining yosh olimlari va tadqiqotchilari ishtirok etmoqda. Loyihaning asosiy maqsadi hududlardagi ilmiy-texnikaviy tadqiqotlarga qiziqqan tadqiqotchi olimlar va tadbirkorlarni qo‘llab-quvvatlash orqali texnologiyalarni tijoratlashtirish va startap loyihalarni amalga oshirish sohasida ko‘nikmalarni shakllantirish va mustahkamlashdan iborat.
