Joriy yilning 23-24-oktyabr kunlari Ilmiy-texnik axborot markazi xodimlari Qarshi davlat universitetida bo‘lib, Mikro va nanoelektronika ilmiy-tadqiqot laboratoriyasi bilan tanishdilar.
Shuningdek, laboratoriya mas’ul xodimlari bilan suhbat o'tkazildi. Markaz mas'ullari universitet xodimlariga yo'lga qo'yilgan elektron platformalar haqida, jumladan “O‘zbekistonda mavjud ilmiy-texnik va tadqiqot laboratoriyalarning yagona elektron bazasi”, “Milliy ilmiy portal” va “Ilmiy-texnik axborot tizimi” haqida ma'lumot berishdi.
Xususan, ko‘p funktsiyali ilmiy-texnik va tadqiqot laboratoriyalarning yagona elektron bazasi (https://slab.gov.uz)da statistik manbalar, barcha ilmiy-tadqiqot institutlari va tashkilotlar, olib borilayotgan ilmiy-tadqiqot ishlari, laboratoriya ishlanmalari, qurilma va uskunalari to‘g‘risidagi ma’lumotlar berib borilishi, hamda bazadan erkin foydalanish imkoniyati mavjudligi haqida ma’lumotlar berildi.
