Milliy Ilmiy Portali

Erasmus+ xalqaro dasturi nima?

Erasmus+ Milliy Ofisi (NEO) - Ta’lim, Audiovizual vositalari va madaniyat ijroiya agentligi (EACEA) yordamida oliy ta’lim sohasidagi milliy siyosatni inobatga olgan holda Erasmus+ dasturi amalga oshirilmoqda. Yevropa Ittifoqi Delegatsiyasi va uning faoliyatini to’ldirishdan bo’lak, potentsial ishtirokchilar, mahalliy hamkorlar va barcha qiziqish bildirgan taraflar hamda EACEA va Yevropa Komissiyasining oliy ta’lim sohasiga oid dasturlarni taqdim etish bo’yicha NEO axborot markazi sifatida ham faoliyat olib boradi.

Erasmus+ maqsad va vazifalari nimadan iborat?

“Erasmus” dasturining asosiy maqsadlaridan biri Yevropada taʼlim sifatini oshirish, Yevropa va Yevropa Ittifoqiga qoʻshni davlatlardan kelgan talabalar harakati va madaniy aloqalarni rivojlantirishdan iboratdir. 
Erasmus universitetlar o'rtasidagi hamkorlik uchun asos yaratadi, hamda, ishtirokchilarga chet elda o'tkazgan vaqtlari (dastur shartlariga ko'ra) vatanga qaytgandan so'ng universitet tomonidan hisobga olinishini kafolatlaydi. 
Yevropa Komissiyasi quyidagi dastur maqsadlarini belgilaydi:

• Yevropaning boshqa mamlakatlarida o‘qish orqali ta’lim, til va madaniy jihatdan rivojlantirish;
• Ta’lim muassasalari o‘rtasidagi o’zaro hamkorlikni kengaytirish va mezbon ta’lim muassasalari muhitini rivojlantirish;
• Yoshlarni xalqaro tajribaga ega yuqori malakali va ochiq fikrli boʻlajak mutaxassislar boʻlib yetishishlariga koʻmaklashishdan iborat.