O’zbekiston Respublikasi Vazirlar Mahkamasining 2020-yil 22-maydagi 313-sonli Qaroriga muvofiq Innovatsion rivojlanish vazirligi
tomonidan Respublikamiz hududlarining markazlarida Yoshlar texnoparklarini
tashkil etish ishlari boshlangan.
2022-yil 15-aprel kuni Innovatsion rivojlanish vaziri,
akademik I.Abdurahmonov, Samarqand viloyati hokimi E.Turdimov hamda Samarqand
davlat universiteti rektori, R.Xolmuradovlar ishtirokida Yoshlar texnoparkining
rasmiy ochilish marosimi o‘tkazildi.
Tashkilotning vazifalari:
Mahalliy ijro etuvchi hokimiyat organlari, ta’lim
muassasalari, ilmiy tashkilotlar bilan hamkorlikda yoshlarni intellektual,
ilmiy, ijodiy salohiyatini oshirish;
Viloyatda yoshlarning tahliliy fikrlashi, ularni
ilmiy-tadqiqot va innovatsion faoliyatga keng jalb etish, iqtidorli,
tashabbuskor yoshlarning o‘z intellektual salohiyatini namoyon qilishi va
ijtimoiy moslashuvi uchun zarur sharoitlar yaratish; Yoshlarning “startap”
loyihalarini rivojlantirish va ularni amalga oshirish uchun yagona maydon
tashkil etish orqali hududning innovatsion salohiyatini oshirish; Iqtidorli
yoshlar tomonidan taklif etilgan dolzarb yo‘nalishlar bo‘yicha loyihalarni
saralash hamda O’zbekiston Respublikasi Oliy ta’lim, fan va innovatsiyalar
vazirligi tomonidan mavzuga oid grantlar berish yuzasidan e’lon qilib
boriladigan tanlovlarga yo‘naltirish; Ilmiy-texnik, innovatsion hamda “startap”
loyihalarni amaliyotga joriy etish maqsadida oliy ta’lim muassasalarining ilmiy
xodimlari, professor-o‘qituvchi va talabalarini jalb qilish.
Tashkilotning funksiyalari:
Samarqand viloyati yoshlarining tahliliy fikrlashi, ularni
ilmiy-tadqiqot va innovatsion faoliyatga keng jalb etish, iqtidorli,
tashabbuskor yoshlarning o‘z intellektual salohiyatini namoyon qilishi va
innovatsion ruhda ijtimoiy moslashuvi uchun zarur shart-sharoitlarga ega
viloyatimizdagi yagona Markaz tashkil etish; Innovatsion faoliyat bilan
shug‘ullanuvchi zamonaviy talablarga javob beradigan malakali kadrlarni
tayyorlash, shuningdek, viloyatimizni sifatli, yuqori texnologiyali mahsulotlar
va xizmatlar bilan ta’minlash maqsadida ilm-fan, ta’lim va ishlab chiqarish
integratsiyasini chuqurlashtirish; Rivojlangan xorijiy mamlakatlarning nufuzli
ilmiy markazlari, universitetlari, texnoparklari va ishlab chiqarish
tashkilotlaridagi loyihalarning transferini Yoshlar texnoparki orqali amalga
oshirish;
Texnoparkda viloyatimizdagi innovatsion faoliyat bilan
shug‘ullanuvchi yetakchi tadbirkorlik sub`ektlari vakillari, malakali
mutaxassislar va ekspertlar ishtirokida treninglar va master-klasslarni,
shuningdek, yoshlarda amaliy ko‘nikmalarni shakllantirish va ishlab
chiqaruvchilar bilan innovatsion-korporativ aloqalarni yo‘lga qo‘yish maqsadida
ilmiy-texnik konferensiya, seminar, o‘quv kurslari va treninglar tashkil etish;
Hozirgi kunda juda ham muhim ahamiyatga ega bo‘lgan va mahalliy mehnat bozori
uchun ancha talab katta bo‘lgan zamonaviy kasblarga mahalliy yoshlarni
o‘rgatish.
Tashkilot tomonidan amalga oshirilgan ishlar:
Iqtidorli
kadrlarni tayyorlash, innovatsion faoliyatga keng jalb etish, iqtidorli,
tashabbuskor yoshlarning o‘z intellektual salohiyatini namoyon qilishi va
ijtimoiy moslashuvi uchun zarur sharoitlar yaratish maqsadida “Zamonaviy
kasblarni bepul o‘rganing” loyihasi amalga oshirilmoqda. 109 nafar yoshlar
mazkur loyihaning 5-mavsumi uchun qabul qilinib, 6 xil yo‘nalishlarda tashkil
etilgan bepul o‘quv kurslariga jalb qilindi. Yoshlarning tahliliy fikrlashi,
ularni ilmiy-tadqiqot va innovatsion faoliyatga keng jalb etish maqsadida
viloyatdagi Kasb hunar va umum ta’lim maktablari o‘quvchilari uchun “Kelajak
kasblari” mavzusida bepul seminar-trening mashg‘ulotlari o‘tkazildi.
O’tkazilgan seminar-treninglarga 3112 nafar yoshlar jalb
qilindi.
Ta’lim
muassasalari bilan hamkorlikda zamonaviy talablarga javob beradigan malakali
kadrlarni tayyorlash maqsadida 2-son zamonaviy kasblar o‘rgatishga
ixtisoslashgan kasb-hunar maktabi va Samarqand yoshlar texnoparki
o‘rtasida hamkorlik yo‘lga qo‘yildi. Samarqand Yoshlar Texnoparki “FabLab” prototiplash
laboratoriyasi negizida 3 oylik “Muhandislar kasb maktabi” tashkil
etildi. 20 nafar yoshlar Samarqand Yoshlar
Texnoparkining “FabLab” prototiplash laboratoriyasida payvandlash, tokar
ustasi, ChPU uskunasi operatorligi va injener konstruktorlik yo‘nalishlari
bo‘yicha tashkil etilgan 3 oylik kasb maktablariga
ustoz-shogird shaklida qabul qilindi. “InnoX” biznes-inkubator dasturini tashkil
etish bo‘yicha tasdiqlangan nizomga muvofiq Samarqand Yoshlar
Texnoparkida “InnoX” biznes-inkubator dasturi ishga tushirilgan bo‘lib, dastur
doirasida 16 ta startap loyihalar shakllantirildi.
