O’zbekiston Respublikasi Vazirlar Mahkamasining 2020-yil
22-maydagi 313-sonli Qaroriga muvofiq Innovatsion rivojlanish vazirligi
tomonidan Respublikamiz hududlarining markazlarida Yoshlar texnoparklarini
tashkil etish ishlari boshlangan.
2023-yil 27-iyun kuni Oliy ta’lim fan va innovatsiyalar
vaziri, akademik I.Abdurahmonov, Navoiy viloyati hokimi N.Tursunov hamda
“Navoiy kon-metallurgiya kombinati” AJ boshqaruv raisi – bosh direktori,
Q.Sanaqulovlar ishtirokida Yoshlar Texnoparkining rasmiy ochilish marosimi
o‘tkazildi.
Tashkilotning vazifalari:
Mahalliy ijro etuvchi hokimiyat organlari,
ta’lim muassasalari, ilmiy tashkilotlar bilan hamkorlikda yoshlarni
intellektual, ilmiy, ijodiy salohiyatini oshirish;
Viloyatda yoshlarning tahliliy fikrlashi, ularni
ilmiy-tadqiqot va innovatsion faoliyatga keng jalb etish, iqtidorli,
tashabbuskor yoshlarning o‘z intellektual salohiyatini namoyon qilishi va
ijtimoiy moslashuvi uchun zarur sharoitlar yaratish;
Yoshlarning “startap” loyihalarini rivojlantirish va ularni
amalga oshirish uchun yagona maydon tashkil etish orqali hududning innovatsion
salohiyatini oshirish;
Iqtidorli yoshlar tomonidan taklif etilgan dolzarb
yo‘nalishlar bo‘yicha loyihalarni saralash hamda O’zbekiston Respublikasi Oliy
ta’lim, fan va innovatsiyalar vazirligi tomonidan mavzuga oid grantlar
berish yuzasidan e’lon qilib boriladigan tanlovlarga yo‘naltirish;
Ilmiy-texnik, innovatsion hamda “startap” loyihalarni
amaliyotga joriy etish maqsadida oliy ta’lim muassasalarining ilmiy xodimlari,
professor-o‘qituvchi va talabalarini jalb qilish.
Tashkilotning funksiyalari:
Navoiy viloyati yoshlarining tahliliy fikrlashi, ularni
ilmiy-tadqiqot va innovatsion faoliyatga keng jalb etish, iqtidorli,
tashabbuskor yoshlarning o‘z intellektual salohiyatini namoyon qilishi va
innovatsion ruhda ijtimoiy moslashuvi uchun zarur shart-sharoitlarga ega
viloyatimizdagi yagona Markaz tashkil etish;
Innovatsion faoliyat bilan shug‘ullanuvchi zamonaviy
talablarga javob beradigan malakali kadrlarni tayyorlash, shuningdek,
viloyatimizni sifatli, yuqori texnologiyali mahsulotlar va xizmatlar bilan
ta’minlash maqsadida ilm-fan, ta’lim va ishlab chiqarish integratsiyasini
chuqurlashtirish;
Rivojlangan xorijiy mamlakatlarning nufuzli ilmiy
markazlari, universitetlari, texnoparklari va ishlab chiqarish
tashkilotlaridagi loyihalarning transferini Yoshlar texnoparki orqali amalga
oshirish;
Texnoparkda viloyatimizdagi innovatsion faoliyat bilan
shug‘ullanuvchi yetakchi tadbirkorlik sub`ektlari vakillari, malakali
mutaxassislar va ekspertlar ishtirokida treninglar va master-klasslarni,
shuningdek, yoshlarda amaliy ko‘nikmalarni shakllantirish va ishlab
chiqaruvchilar bilan innovatsion-korporativ aloqalarni yo‘lga qo‘yish maqsadida
ilmiy-texnik konferensiya, seminar, o‘quv kurslari va treninglar tashkil etish;
Hozirgi kunda juda ham muhim ahamiyatga ega bo‘lgan va
mahalliy mehnat bozori uchun ancha talab katta bo‘lgan zamonaviy kasblarga
mahalliy yoshlarni o‘rgatish.
Tashkilot tomonidan amalga oshirilgan ishlar:
Iqtidorli kadrlarni tayyorlash, innovatsion faoliyatga keng
jalb etish, iqtidorli, tashabbuskor yoshlarning o‘z intellektual salohiyatini
namoyon qilishi va ijtimoiy moslashuvi uchun zarur sharoitlar yaratish
maqsadida “Zamonaviy kasblarni bepul o‘rganing” loyihasi
amalga oshirilmoqda. 58 nafar yoshlar mazkur
loyihaning 5-mavsumi uchun qabul qilinib, 3 xil
yo‘nalishlarda tashkil etilgan bepul o‘quv kurslariga jalb qilindi.
Yoshlarning tahliliy fikrlashi, ularni ilmiy-tadqiqot va
innovatsion faoliyatga keng jalb etish maqsadida viloyatdagi Kasb hunar va umum
ta’lim maktablari o‘quvchilari uchun “Kelajak kasblari” mavzusida
bepul seminar-trening mashg‘ulotlari o‘tkazildi. O’tkazilgan
seminar-treninglarga 300 nafar yoshlar jalb qilindi.
Ta’lim muassasalari bilan hamkorlikda zamonaviy talablarga
javob beradigan malakali kadrlarni tayyorlash maqsadida “Cipheredu”
o’quv markazi va Navoiy Yoshlar Texnoparki o‘rtasida
hamkorlik yo‘lga qo‘yildi.
Navoiy Yoshlar Texnoparki startap loyiha egalarini o‘z
g‘oyalarining prototiplarini tayyorlashlariga ko‘maklashish maqsadida
texnoparkining ishlab chiqarish maydoni tarkibida tashkil etilgan “FabLab”
(fabrication labaratory) prototiplash labaratoriyasidan foydalanish imkoniyati
berildi
“InnoX” biznes-inkubator dasturini tashkil etish
bo‘yicha tasdiqlangan nizomga muvofiq Navoiy Yoshlar Texnoparkida
“InnoX” biznes-inkubator dasturi ishga tushirilgan bo‘lib, dastur
doirasida 15 ta startap loyihalar shakllantirildi.
