– Paxta yetishtirish shu sohadagi olimlar, mutaxassislar, qishloq xo‘jaligi xodimlaridan murakkab va og‘ir mehnatni, chuqur bilim va tajribani, yerga mehrni va eng muhimi, katta fidoyilikni talab qilishini hammamiz yaxshi bilamiz. Bugungi kunda paxtachilikda keng qamrovli ishlar olib borilmoqda: 122 ta paxtachilik-to‘qimachilik klasterlarida, paxtachilik ilmiy markazlari va institutlarida paxtaning yangi serhosil navlarini yaratish ishlari olib borilmoqda, mashinasozlik korxonalarida paxtaga ishlov beradigan yangi innovatsion texnologiyalarga asoslangan texnikalar, uskuna va jihozlar ishlab chiqarilmoqda. Innovatsion rivojlanish vazirligi tomonidan moliyalashtirilgan paxtachilik sohasidagi umumiy qiymati 6,5 mlrd so‘mlik 11 ta innovasion loyihalar amalga oshirilmoqda. Bugungi kunda ham qator loyihalar o‘rganilmoqda.
Oliy ta'lim fan va innovatsiyalar vaziri Ibrohim Abdurahmonov.
