C.A.T. Science Accelerator - Markaziy Osiyoda ilmiy loyihalar va ilmiy ishlanmalarni tijoratlashtirish uchun O‘zbekiston va Markaziy Osiyodagi ilk akselleratordir. Akseleratorning dastlabki loyihasi 2019-yilda bo‘lib o‘tdi, akseleratorning uchta startap loyihasiga jami $ 200,000 mablag‘ yo‘naltirildi. Akseleratorda ishtirok etish bepul. Ishtirokchilar tajriba o‘tkazish uchun laboratoriyalar va reaktivlardan foydalanish, loyihaning minimal ishchi versiyasini ishga tushirishda yordam va maslahat olish imkoniyatlariga ega bo‘ladilar. Jamoalarni ilm-fan, biznes va loyihalar mutaxassislari qo‘llab-quvvatlamoqda.
