“O'zbekiston-Vengriya startap
loyihalar” tanloviga arizalar qabul qilish muddati uzaytirildi
O'zbekiston-Vengriya startap
loyihalar” tanlovi doirasida arizalarni qabul qilish muddati 2022 yil 1 iyunga
qadar uzaytirilganini ma'lum qilamiz.
Mazkur tanlov O'zbekiston Respublikasi Vazirlar
Mahkamasining “Ilmiy-tadqiqot va innovatsion faoliyatni rivojlantirishning
normativ-huquqiy bazasini yanada takomillashtirish chora-tadbirlari
to'g'risida” 2020 yil 9 martdagi 133-son qarorida belgilangan talablarga
muvofiq o'tkaziladi.
Startap
loyihalarni qabul qilishda quyiladigan shartlar:
- Arizalar
5 yanvardan 1 iyungacha qabul qilinadi;
- 1 ta
ishtirokchi 1 ta loyiha bilan ishtirok etishi;
- Startap
loyihalar asosida maket va (yoki) prototip, dasturiy mahsulot, xizmatlar
va ijtimoiy mahsulotlar yaratishning eng ko'p muddati 1 yildan oshmasligi
lozim;
Loyihaga
baho berishda quyidagilar hisobga olinadi:
- Loyihaning
innovatsionligi – respublikada avval qo'llanilmagan yangi texnologiyalar
va (yoki) jarayonni tashkillashtirish tamoyillaridan foydalanish darajasi,
bunda loyiha respublikada avval ishlab chiqarilmagan yangi mahsulot
(intellektual mulk ob'ekti mavjud bo'lganda) ishlab chiqarish, yangi
xizmat yaratishni ko'zda tutadi;
- Loyihaning
texnik jihatdan mukamalligi, shu jumladan yakunlanganlik darajasi;
- Muhofaza
qiluvchi hujjatlar mavjudligi – patent yoki patentga ariza, va/yoki
ilmiy-texnik hujjatlarning to'liq komplekti, va/yoki ko'zda tutiladigan
mahsulot (texnologiya)ning texnik reglamenti, sinov dalolatnomalari,
mahsulot na'munasining mavjudligi;
- Loyihaning
investitsion jozibadorligi – qo'shimcha foyda keltirib, kiritilgan
mablag'lar tavakkalchiligini kamaytiradigan qulay investitsion va
innovatsion shart-sharoitlar majmuidir. Loyihaning investitsion
jozibadorligi uning mamlakat taraqqiyotining uzoq muddatli istiqbollariga
muvofiqligi, loyihaning qiymati, tavakkalchiliklarning hisobga olinishi,
o'zini o'zi qoplashi
va rentabelligi bilan belgilanadi;
- Loyihani
moliyaviy rejalashtirish – loyiha moliyaviy ta'minotining
rejalashtirilayotgan ishlarga muvofiqligi va harajatlar smetasining asoslanganligidir;
- Marketing
rejasi – loyihani amalga oshirish strategiyasi, bozor hajmi, maqsadli
auditoriya, aloqalar/sotuvlarning asosiy kanallari, raqobat muhiti va h.
- Loyihani
amalga oshirishdan kutilayotgan natijalar – ajratiladigan mablag'lardan
samarali foydalanish, amalga oshiriladigan tadbirlarni bajarish sifati va
muddatlari, import o'rnini bosuvchi va eksportga yo'naltirilgan ilmiy asos
talab qiladigan mahsulot ishlab chiqarishni tashkillashtirish;
O'zbekiston
Respublikasi Innovatsion rivojlanish vazirligining tanlov g'oliblari borasidagi
qarori qat'iy va qayta ko'rib chiqilmaydi!
Tanlovga arizalar tomonlar
o'rtasida kelishilgan holda, mos ravishda taqdim qilinishi shart. Bunda quyidagi
hujjatlar asl nusxalari PDF shaklida uzbekhungarystartup@gmail.com pochtasiga yuborilishi lozim:
- Startap
loyiha muallifi tomonidan imzolangan ariza;
- Startap loyiha pasporti;
- Startap loyiha biznes matni;
- Xarajatlar smetasi;
- Loyihaning
Vengriya tomonidan ishtirokchisi haqida ma'lumot.
Taqdim etilgan loyihalar
tanlov talablariga qat'iy rioya qilinganligi, loyiha materiallarining
ishonchliligi va haqqoniyligi, ko'chirmachilikka (plagiat) yo'l
qo'yilmaganligi, talablar asosida shakllantirilganligi,
shuningdek startap loyiha yakunida qo'lga kiritiladigan muhim
natijalarning tadqiqot dizayniga muvofiq to'liq asoslanganligi va so'ralgan
mablag'larning tanlov shartlarida keltirilgan moliyalashtirish hajmiga muvofiq
to'g'ri hisob-kitob qilinganligi bo'yicha dastlabki texnik
ekspertizadan o'tkaziladi.
- Dastlabki
texnik ekspertizadan o'tmagan loyihalar tanlovning keyingi bosqichiga
tavsiya etilmaydi!
- Tanlovga
faqat bitta ijrochi tomonidan taqdim etilgan loyihalar, shuningdek
ekspertiza natijalari bo'yicha bir tomonlama yoki ikkala tomondan ham
moliyalashtirish rad qilingan loyihalar tanlovdan chetlashtiriladi!
Qo'yidagi
hollarda taqdim etilgan loyihalar tanlovda ishtirok etish uchun tavsiya
etilmasligi mumkin:
- Loyihaning
Vengriya tomonidan ishtirokchisi haqida ma'lumot.
- Startap
loyiha mazmunan innovatsion hususiyatga ega emasligi;
- Startap
loyihaning maqsad va vazifalari yoritib berilmaganligi;
- Startap
loyihalarni amalga oshirish uchun ajratiladigan mablag'ni binolarni
rekonstruktsiya qilish va ta'mirlash-qurilish ishlariga, shuningdek,
avtotransport vositalarini xarid qilishga sarflansa.
Taqdim etilgan startap
loyihalardagi ma'lumotlarning haqqoniyligi va ishonchliligi hamda tanlov
g'oliblari tomonidan startap loyihalarning natijadorligi, tanlov dasturlari
vazifalarida belgilangan, kutilayotgan natijalarni to'la va o'z vaqtida sifatli
bajarilishiga startap loyiha rahbarlari, mazkur loyihani bajaruvchi tashkilot
rahbarlari javobgar hisoblanadilar.
Startap loyihalarni elektron
ro'yxatdan o'tkazish bilan bog'liq texnik masalalar bo'yicha Innovatsion
rivojlanish vazirligining texnik jihatdan qo'llab-quvvatlash xizmati:
+998-71-203-32-23 (ichki raqam: 216)
