O‘zbekiston Respublikasi Vazirlar Mahkamasining 2020-yil
22-maydagi 313-son qaroriga muvofiq “Nukus yoshlar texnoparki” MCHJ tashkil
etilib, 2022-yilning avgust oyidan boshlab faoliyat olib bormoqda. Yoshlar
texnoparkining umumiy yer maydoni 1260 kv metrdan iborat boʻlib, shundan
qurilish maydoni 864 kv metrni tashkil etadi.
Bugungi kunda, Nukus yoshlar texnoparki tomonidan iqtidorli
yoshlarni qo‘llab-quvvatlash, ularni innovatsion tadbirkorlik faoliyatiga keng
jalb qilish, tashabbuskor yoshlar tomonidan taklif qilingan startap loyihalarni
rivojlantirish va ularni prototiplarini yaratish hamda ishlab chiqarishda
foydalanishga mo‘ljallangan zamonaviy asbob-uskunalar bilan to‘liq jihozlangan.
Tashkilotning vazifalari:
Qoraqalpog‘iston Respublikasi shahar va tumanlarida
yoshlarning tahliliy fikrlash, ularni ilmiy-tadqiqot va innovatsion faoliyatga
keng jalb etish, iqtidorli, tashabbuskor yoshlarning o‘z intellektual
salohiyatini namoyon qilishi va ijtimoiy moslashuvi uchun zarur sharoitlar
yaratish;
Yoshlarning “startap” loyihalarini rivojlantirish va ularni
amalga oshirish uchun yagona maydon tashkil etish orqali hududlarning
innovatsion salohiyatini oshirish;
Zamonaviy talablarga javob beradigan malakali kadrlarni
tayyorlash, shuningdek, hududlarni sifatli, yuqori texnologiyali mahsulotlar va
xizmatlar bilan ta’minlash maqsadida ilm-fan, ta’lim va ishlab chiqarish
integratsiyasini chuqurlashtirish;
Yetakchi kompaniya vakillari, malakali mutaxassislar va
ekspertlar ishtirokida treninglar va master-klasslarni, shuningdek, yoshlarda
amaliy ko‘nikmalarni shakllantirish va ishlab chiqaruvchilar bilan
innovatsion-korporativ aloqalarni yo‘lga qo‘yish maqsadida ilmiy-texnik
konferensiya, seminar, o‘quv kurslari va treninglar tashkil etish;
Iqtidorli yoshlar tomonidan taklif etilgan dolzarb
yo‘nalishlar bo‘yicha loyihalarni saralash hamda prototiplarini ishlab
chiqarishda ko‘maklash bilan birga, Innovatsion rivojlanish agentligi tomonidan
e’lon qilingan va xalqaro tanlovlarga yo‘naltirish;
Tashkilotning funksiyalari:
Qoraqalpog‘iston Respublikasi yoshlarining tahliliy
fikrlashi, ularni ilmiy-tadqiqot va innovatsion faoliyatiga keng jalb etish,
iqtidorli, tashabbuskor yoshlarning o‘z intellektual salohiyatini namoyon
qilishi va innovatsion ruhda ijtimoiy moslashuvi uchun zarur
shart-sharoitlarga ega respublikamizdagi yagona Markaz tashkil etish;
Qoraqalpog‘iston Respublikasi shahar va tumanlar yoshlarini
ilmiy fan sohasiga jalb etish va ularning tashabbuslarini qo‘llab-quvvatlash,
yoshlarni ilmiy-tadqiqot va innovatsion faoliyatga keng jalb etish. Texnopark
bazasida yosh iqtidorli kadrlarni yetishtirish, va ularni mehnat bozoriga
tayyorlash. Texnoparkda respublikamizdagi innovatsion faoliyat bilan
shug‘ullanuvchi yetakchi tadbirkorlik subyektlari vakillari, malakali
mutaxassislar va ekspertlar ishtirokida treninglar va master-klasslarni,
shuningdek, yoshlarda amaliy ko‘nikmalarni shakllantirish va ishlab
chiqaruvchilar bilan innovatsion-korporativ aloqalarni yo‘lga qo‘yish maqsadida
ilmiy-texnik konferensiya, seminar, o‘quv kurslari va treninglar tashkil etish;
Qoraqalpog‘iston Respublikasi tuman va shaharlarida iqtidorli yoshlarning
hududlardagi dolzarb yo‘nalishlar bo‘yicha amalga oshirayotgan innovatsion
g‘oyalari yoki startap loyihalarini hayotga tadbiq etishda amaliy yordam
ko‘rsatish;
Tashkilot tomonidan amalga oshirilgan ishlar:
Nukus yoshlar texnoparki 2022-yilning avgust oyidan boshlab
faoliyat yuritib kelmoqda. Qoraqalpog‘iston Respublikasining Nukus shahrida
joylashgan ushbu texnopark yoshlar, talabalar, yosh olimlar hamda tadbirkorlik
subyektlarining o‘z loyihalarini va g‘oyalarini amalga oshirish va
rivojlantirish uchun barcha sharoitlarga ega, zamon talablariga javob beruvchi
eng so‘nggi rusumdagi jihozlangan o‘quv va ishlab chiqarish texnoparki
hisoblanadi. Nukus yoshlar texnoparki 2022-2023-yil faoliyati davomida turli
xil yo‘nalishlarda jami 3234 nafar yoshlar qamrab olindi. Shundan,
ayollar va temir daftardan umumiy 120 nafar yoshlar tashkil
etilgan kurslarda bepul o‘qitildi. Kompyuter savodxonligi, robototexnika, 3D
modellashtirish kabi yo‘nalishlarni muvaffaqiyatli bitirgan
o‘quvchilardan 156 nafari davlat va xususiy korxonalariga
ishga joylashtirildi. Yoshlar texnoparki Fablab prototiplash laboratoriyasida
texnopark a’zolari tomonida 12 dan ortiq turdagi mahsulotlarni
ishlab chiqarish yo‘lga qo‘yilgan. Bugungi kunda, yoshlar texnoparki a’zolari
tomonidan 16 ta startap loyihalari amalga oshirilayotgan
bo‘lib, loyihalar doirasida 87 ta nafar yoshlar doimiy ish
bilan ta’minlangan. 2023-yil holatiga ko‘ra texnopark a’zolari tomonidan amalga
oshirilayotgan xalqaro kichik grantlar soni 32 ta ni tashkil
etadi.
