O'simliklarni himoya
qilishning ilmiy echimiga qaratilgan amaliy va innovatsion loyihalar tanlovi
O'zbekiston Respublikasi
Innovatsion rivojlanish vazirligi va “Agrobank” aktsiyadorlik tijorat banki
o'simliklarni himoya qilish bilan bog'liq muammolarning ilmiy echimini
ta'minlashga qaratilgan amaliy va innovatsion loyihalar tanlovini e'lon qiladi.
O'zbekiston Respublikasi Innovatsion rivojlanish vazirligi ilmiy faoliyatga oid
davlat dasturlari doirasida amaliy hamda innovatsion loyihalar tanlovining
70-turini “O'rmon xo'jaligi, tuproqshunoslik va o'simliklarni
himoya qilish fanlari” bo'yicha e'lon qiladi.
Mazkur tanlov O'zbekiston
Respublikasi Vazirlar Mahkamasining “Ilmiy-tadqiqot va innovatsion faoliyatni
rivojlantirishning normativ-huquqiy bazasini yanada takomillashtirish
chora-tadbirlari to'g'risida” 2020 yil 9 martdagi 133-son qarorida belgilangan
talablarga muvofiq o'tkaziladi.
Tanlov mavzulari Innovatsion
rivojlanish vazirligi hamda «Agrobank» aktsiyadorlik tijorat banki o'rtasida
2021 yil 19 oktyabrda imzolangan o'simliklarni himoya qilish ilmiy-tadqiqot instituti
va sohadagi izlanuvchilarning ilmiy faoliyatini qo'llab-quvvatlash maqsadida
yangi innovatsion ishlanmalarni amaliyotga joriy etish bo'yicha ilmiy loyiha
mavzularini shakllantirish hamda hamkorlikda tanlovlar o'tkazish, ilmiy
loyihalarni moliyalashtirish bo'yicha tanlovlar natijalariga ko'ra g'olib
bo'lgan loyihalar va ularning monitoring bilan bog'liq harajatlar to'liq (100
foiz) “Agrobank” aktsiyadorlik tijorat banki tomonidan moliyalashtirish
to'g'risidagi memorandum asosida shakllantirilgan.
Tanlov yakunlari bo'yicha
moliyalashtirishga tavsiya etilgan loyihalar “Agrobank” aktsiyadorlik tijorat
banki tomonidan ajratiladigan 10,0 mlrd so'm mablag'lar hisobidan
moliyalashtiriladi.
Tanlovga
taqdim etiladigan ilmiy loyihalar www.grant.mininnovation.uz – davlat ilmiy
dasturlarining yagona intellektual elektron platformasi orqali 2022 yilning 14
mayiga qadar faqat elektron shaklda qabul qilinadi.
Ilmiy loyiha
hujjatlarini grant.mininnovation.uz elektron platformasi orqali ro'yxatdan o'tkazish
jarayonida quyidagi hujjatlar asl nusxalarining pdf/doc shakli elektron
platformaga yuklanishi lozim:
Taqdim etilgan loyihalar
tanlov talablariga qat'iy rioya qilinganligi, loyiha materiallarining
ishonchliligi va haqqoniyligi, ko'chirmachilikka (plagiatga) yo'l
qo'yilmaganligi, talablar asosida shakllantirilganligi, shuningdek loyiha
yakunida qo'lga kiritiladigan muhim ilmiy natijalarning tadqiqot dizayniga
muvofiq to'liq asoslanganligi va so'ralgan mablag'larning tanlov shartlarida
keltirilgan moliyalashtirish hajmiga muvofiq to'g'ri hisob-kitob
qilinganligi bo'yicha dastlabki texnik ekspertizadan o'tkaziladi.
elektron
ro'yxatdan hamda dastlabki texnik ekspertizadan o'tmagan loyihalar tanlovning
keyingi bosqichiga tavsiya etilmaydi.
Taqdim etilgan loyihalardagi
ma'lumotlarning to'liqligi, haqqoniyligi va ishonchliligi hamda ilmiy
loyihalarning natijadorligi, tijoratlashtirish salohiyati, loyihada
rejalashtirilgan ilmiy-tadqiqotlarni to'la va o'z vaqtida sifatli bajarilishiga
ilmiy loyiha rahbarlari, ilmiy loyihani bajaruvchi ijrochi tashkilot rahbarlari
va tegishli yuqori turuvchi tashkilotlarning mas'ul xodimlari javobgar
hisoblanadilar.
Taqdim etilgan loyihada
keltirilgan ilmiy yangilik, nou-xau va g'oyalarni ekspertiza jarayonlarida
ochiq muhokamaga qo'yishning maqsadga muvofiqligi to'g'risida ijrochi tashkilot
vakolatli tuzilmasining (xizmatining) xulosasi loyihaga ilova qilinishi lozim.
Tanlovga taqdim etiladigan
loyihani amalga oshirish uchun so'ralayotgan umumiy moliyalashtirish hajmini
(5-shakl) hisoblashda Innovatsion rivojlanish vazirligi tomonidan ushbu
havolaga joylashtirilgan hisob-kitob shaklidan foydalanish tavsiya
etiladi: http://grant.mininnovation.uz/site/example-docs .
eslatma: Tanlovga taqdim etilgan loyihalarning
har bir bosqichda ko'rib chiqish natijalari to'g'risidagi
ma'lumotlar grant.mininnovation.uz elektron platformasida
loyiha rahbarlarining shaxsiy kabinetlarida ko'rsatiladigan interaktiv
xizmati orqali taqdim etib boriladi.
Ilmiy loyihalarni grant.mininnovation.uz lektron platformasining “Tanlovga ilmiy loyiha
taqdim etish” sahifasi orqali elektron ro'yxatdan o'tkazish bilan bog'liq
texnik masalalar bo'yicha Innovatsion rivojlanish vazirligining texnik jihatdan
qo'llab-quvvatlash xizmati: +998-71-203-32-32
