Bugundan Germaniya xalqaro hamkorlik boʻyicha Jamgʻarma kassalari fondi (German Sparkassenstiftung for International Cooperation) bilan hamkorlikda professional taʼlim muassasalarining oʻquvchilarining tadbirkorlik koʻnikmalarini oshirish maqsadida 5 kunlik amaliy-seminar oʻz ishini boshladi.
Amaliy-seminar Toshkent shahridagi 5 ta professional taʼlim muassasalarida Germaniyalik ekspertlar tomonidan oʻqitilgan va trenerlik sertifikatlariga ega boʻlgan pedagog kadrlar tomonidan olib borilmoqda. Mazkur oʻqituvchilar Fond tomonidan toʻliq metodik materiallar bilan bepul taʼminlandi.
Amaliy-seminarda 100 nafarga yaqin professional taʼlim muassasalari oʻquvchilar tadbirkorlikni yoʻlga qoʻyish boʻyicha Germaniya metodlari asosida oʻqitiladi.
Huddi shunday seminar treninglarni German Jamgʻarma kassalari fondi bilan hamkorlikda Respublika hududlarida ham bosqichma-bosqich amalga oshirish rejalashtirilgan.
Manba: http://edu.uz/uz/pages/axb
