13 yanvar kuni Ilmiy faoliyatga oid davlat dasturlari doirasida amaliy, innovatsion va fundamental loyihalar tanlovi g‘oliblari taqdirlandilar. 9 ta fan yo‘nalishi kesimida Fanlar akademiyasi hamda 3 ta vazirlik, 1 ta qo‘mita tasarrufidagi 8 ta ilmiy-tadqiqot institutlari, 5 ta oliy taʼlim muassasasi, 6 ta ilmiy markazi tomonidan ilmiy faoliyatga oid davlat dasturlari doirasida moliyalashtirilgan umumiy qiymati 77,8 mlrd. so‘m bo‘lgan 38 ta loyihalar rahbarlariga sertifikatlar topshirilmoqda. Ulardan 21 tasi amaliy, 9 tasi innovatsion va 8 tasi fundamental loyihalardir.
Jumladan, 9 ta qishloq xo‘jaligi, 6 ta biotexnologiya va biologiya, 8 ta tibbiyot, 8 ta filologiya, psixologiya va pedagogika fanlari, 2 ta texnika, 5 ta farmakologiya va farmatsevtika, fanlari yo‘nalishida amalga oshirilmoqda. Bajarilayotgan loyihalar yakuniy natijalari qishloq xo‘jaligi sohasida agrotexnologiyalar, tibbiyot sohasida davolash texnologiyalari, farmakologiya va farmatsevtika yo‘nalishida dori vositalari va substansiyalar, texnik qurilmalar, tajriba-konstruktorlik namunalari va dasturiy mahsulotlar olishga qaratilgan.
Taʼkidlash joizki, Innovatsion rivojlanish vazirligi tomonidan ilmiy tadqiqot ishlariga davlat buyurtmasi talablariga muvofiq ilmiy faoliyatga oid davlat dasturlari doirasida bajariladigan fundamental, amaliy hamda innovatsion xalqaro loyihalar tanlovi muntazam o‘tkazib kelinmoqda. Hozirda 15 ta fan yo‘nalishi bo‘yicha umumiy qiymati 144,22 mlrd so‘m bo‘lgan 146 ta tematik mavzular – 131 ta amaliy, 35 ta innovatsion loyihalar uchun tanlovlar davom etmoqda.
Manba: https://mininnovation.uz/news/post-309
Innovatsion rivojlanish vazirligi tomonidan ilmiy faoliyatga oid davlat dasturlari doirasida e’lon qilingan amaliy hamda innovatsion loyihalar tanlovi g‘oliblari
RO‘YXATI
| № | Loyiha nomi | Loyiha rahbari va ilmiy darajasi | Ijrochi tashkilot |
| 1. | Imom Moturidiyning “Ta’vilot al-Qur’on” asarini oʻzbek tiliga ilmiy-izohli tarjima qilish, nashr etish hamda elektron dasturini yaratish | Maxsudov Davron Rustamovich | Oʻzbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazi |
| 2. | Suvdan oqilona foydalanish targʻibotiga yoʻnaltirilgan multimedia mahsulotini yaratish | Ergasheva Maxsuda Poʻlatovna | Respublika ma’naviyat va ma’rifat markazi |
| 3. | Qoramollarning qon-parazitar teylerioz kasalligiga qarshi vaksina yaratish | Gʻafurov Aktam Gʻafurovich | Veterinariya ilmiy-tadqiqot instituti |
| 4. | Nasldor qorakoʻl qoʻylarining genomini oʻrganish asosida genodiagnostika usulini ishlab chiqish | Hakimov Oʻktam Normuxamedovich | OʻzR FA Navoiy boʻlimi |
| 5. | Sun’iy intellekt texnologiyalaridan foydalangan holda tuproq resurslarini tezkor, aniq va samarali tahlil qilish, baholash va monitoring qilish dasturiy mahsulotini yaratish | Baxodirov Zafar Abduvaliyevich | Tuproqshunoslik va agrokimyo ilmiy-tadqiqot instiuti |
| 6. | Qoraqalpogʻiston Respublikasi, Namangan, Fargʻona, Surxondaryo va Toshkent viloyatlarida tanlab olingan pilot yer maydonlarida tuproqlarning sogʻlomlik darajasini baholovchi tuproq-ekologik xaritalarni ishlab chiqish | Ruzimetov Maqsud Ismoilovich | Tuproqshunoslik va agrokimyo ilmiy-tadqiqot instituti |
| 7. | Qishloq xoʻjaligi ekinlarini yetishtirishda bentonit gillaridan foydalangan holda sugʻorish suvlarini tejashning ilmiy asoslangan agrotexnologiyalarini ishlab chiqish | Qodirova Shaxnoza Ishpulatovna | OʻzR FA Navoiy boʻlimi (asosiy ijrochi tashkilot) |
| 8. | Qovunning “Amiri” turiga mansub, ertapishar (60-70 kun), eksportbop va un shudring kasalligiga chidamli navini yaratish | Xakimov Rafikjon Abdunabiyevich | Sabzavot, poliz ekinlari va kartoshkachilik ilmiy-tadqiqot instituti |
| 9. | Surxondaryo viloyatiga joriy etish uchun ingichka tolali gʻoʻza navlarining sifatli original ashyolarini yaratish | Ravshanov A’zam Erkinovich | Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti |
| 10. | Tarvuzning “Krimson svit” turiga mansub xorijiy duragaylariga raqobatbardosh, hosildorligi 55-60 t/ga boʻlgan, mahalliy “Shirin” navidan yuqori sifatli elita urugʻchiligini yaratish | Xakimov Rafikjon Abdunabiyevich | Sabzavot, poliz ekinlari va kartoshkachilik ilmiy-tadqiqot instituti |
| 11. | Yopiq tuproq sharoitida sabzavot ekinlarining paraziti-Meloidogyne avlodi nematodalariga qarshi kurashish uchun biopreparat yaratish | Saidova Shoira Olimovna | OʻzR FA Zoologiya instituti |
| 12. | Yongʻinlarni hisobga olish va ularning sabab-oqibatlarini tahlil qilishning avtomatlashtirilgan axborot-tahlil tizimi dasturiy mahsulotini yaratish | Arifjanov Abdulla Shamxatovich | Raqamli texnologiyalar va sun’iy intellektni rivojlantirish ilmiy-tadqiqot instituti |
| 13. | Raqamli iqtisodiyot sharoitida Oʻzbekiston mehnat bozorining adaptiv (moslashuvchan) transformatsiyasi va ijtimoiy-mehnat munosabatlarini tashkil etish modellari | Otakuziyeva Zuxra Maratdayevna | Muhammad al-Xorazmiy nomidagi Toshkent axborot- texnologiyalari universiteti |
| 14. | Oʻzbekiston tarixi davlat muzeyidagi noyob eksponatlarning 3D animatsiyali virtual galereyasini yaratish | tarix fanlari doktori Qurbonova Dilafruz Abdurashidovna | Kamoliddin Behzod nomidagi Milliy rassomlik va dizayn instituti |
| 15. | Modifikatsiyalangan gravitatsiya nazariyasi doirasida neytron yulduzlardagi yadro moddalarini tadqiq etish | Abdujabbarov Axmadjon Adiljanovich | OʻzR FA Yadro fizikasi instituti |
| 16. | Katta adron kollayderidagi yuqori energiyali ogʻir ionlar toʻqnashuvlari boʻyicha katta hajmdagi ma’lumotlarning tahlili | Olimov Xusniddin Kosimovich | OʻzR FA Fizika-texnika instituti |
| 17. | Istiqbolli nanoqurilmalar uchun yangi uglerod nanostrukturalari selektiv sintezi | Xalilov Umedjon Boymamatovich | OʻzR FA U.A.Arifov nomidagi Ion-plazma va lazer texnologiyalari instituti |
| 18. | Sudlar faoliyati samaradorligini baholash boʻyicha indikatorlarni oʻrganish asosida “e-justice” mobil ilovasini yaratish | Aripov Dilshod Urinbayevich | Oʻzbekiston Respublikasi Sudyalar oliy kengashi huzuridagi Sudyalar oliy maktabi |
| 19. | Intellektual mulk egalari huquqlarini sud orqali himoya qilish tizimi hamda sudyalarni intellektual mulk sohasida oʻqitish boʻyicha multimedia mahsulotlarini ishlab chiqish | Okyulov Omanbay | Oʻzbekiston Respublikasi Sudyalar oliy kengashi huzuridagi Sudyalar oliy maktabi |
| 20. | Nutq signallari asosida ovoz va matnni tanib olish, qayta ishlash orqali stenogrammalarni shakllantiruvchi “Sound and text transcript” intellektual dasturiy mahsulotini ishlab chiqish | Axatov Akmal Rustamovich | Mirzo Ulugʻbek nomidagi Oʻzbekiston Milliy universiteti Jizzax filiali |
| 21. | Qishloq xoʻjalik ekinlari orasida uchraydigan begona oʻtlarga qarshi kurashishning samarali yangi agrotexnologiyasini ishlab chiqish | Xasanova Firyuza Marifovna | Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti |
| 22. | Oʻzbekiston agro-ekologik sharoitida boshoqli va dukkakli oʻsimliklarda lyuteoviruslar epidemiologiyasini tadqiq qilish | qishloq xoʻjaligi boʻyicha falsafa doktori Ziyayev Zafarjon Mashrapovich | OʻzR FA Genetika va oʻsimliklar eksperimental biologiyasi instituti |
| 23. | Janubiy Orolqum hududi ekologik sharoitiga moslashgan oʻsimliklarning hujayra texnologiyasi asosida yangi formalarini yaratish | biologiya fanlari doktori, professor Sherimbetov Sanjar Gulmirzoyevich | OʻzR FA akademik O.S.Sodiqov nomidagi Bioorganik kimyo instituti |
| 24. | Oʻzbekiston aholisiga koʻrsatilayotgan tibbiy hamshiralik (patronaj) yordamining sifatini oshirish uchun elektron platforma va mobil ilova yaratish | tibbiyot fanlari doktori Mamatkulov Baxramjon | Toshkent tibbiyot akademiyasi |
| 25. | Qatagʻon qurbonlarining merosini yanada chuqur oʻrganish, ularning xotirasini abadiylashtirish va ijtimoiy-siyosiy, ma’naviy-ma’rifiy gʻoyalarining ta’lim va tarbiyadagi ahamiyati yoritilgan elektron platforma va multimediali kompleksni yaratish | tarix fanlari doktori Ishanxodjayeva Zamira Raimovna | Mirzo Ulugʻbek nomidagi Oʻzbekiston milliy universiteti |
| 26. | Chuchukmiya asosida tuzilgan koʻp tarkibli kompozitsiyadan biologik faol moddalar substansiyasini ajratib olish texnologiyasini yaratish | farmatsevtika fanlari doktori Urmanova Flyura Faridovna | Toshkent farmatsevtika instituti |
| 27. | Introduksiya usulida olingan tabiiy bazidiomitset (Ganoderma lusidum) zamburugʻidan immunotroplik xususiyatiga va rak hujayralariga ta’sir qiluvchi substansiyalar ajratib olishning yangi texnologiyasini yaratish | kimyo fanlari boʻyicha falsafa doktori (PhD) Muxitdinov Baxtiyor Ikromovich | OʻzR FA Bioorganik kimyo instituti |
| 28. | Dinlar tarixi, ta’limoti, manbalari va an’analarini tadqiq etish asosida “Dunyo dinlari” elektron dasturi hamda mobil ilovasini yaratish | tarix fanlari doktori, dotsent Alimova Mahfuza Faxrudinovna | Oʻzbekiston xalqaro islom akademiyasi |
| 29. | Oʻzbekiston Respublikasida erta turmush va erta tugʻruq holatlari hamda oilaviy ajralishlarni bartaraf etish boʻyicha multimedia mahsulotlarini yaratish | iqtisod fanlari doktori, professor Abduramanov Hamid Xudaybergenovich | Oʻzbekiston Respublikasi Mahalla va oilani qoʻllab-quvvatlash vazirligi huzuridagi “Mahalla va oila” ilmiy-tadqiqot instituti |
| 30. | Oʻzbekistonda gender muammolarini oʻrganish, targʻib etish, monitoringini yuritish, “gender.uz” elektron platformasini yaratish | pedagogika fanlari doktori, professor Egamberdiyeva Nodira Melibayevna | Oʻzbekiston Respublikasi Mahalla va oilani qoʻllab-quvvatlash vazirligi huzuridagi “Mahalla va oila” ilmiy-tadqiqot instituti |
| 31. | Oʻzbek milliy etnomadaniy tantanavor liboslari kolleksiyasining mobil ilovasini yaratish | tarix fanlari nomzodi, dotsent Sayfullayev Nodirbek Baxtiyorovich | Kamoliddin Behzod nomidagi Milliy rassomchilik va dizayn instituti |
| 32. | Turli ta’lim muassasalari tarbiyalanuvchilarida kompyuterlashgan psixofiziologik testlar bazasi yordamida psixik rivojlanishdagi oʻzgarishlarni aniqlash va korreksiyalovchi innovatsion dasturiy mahsulot yaratish | psixologiya fanlari boʻyicha falsafa doktori (PhD) Yakubova Guzal Asatullayevna | Nizomiy nomidagi Toshkent davlat pedagogika universiteti |
| 33. | Hayot uchun xavfsiz sogʻlom turmush tarzini targʻib qiluvchi maxsus mashqlar majmuyi va uning multimediali elektron dasturiy mahsulotini yaratish | pedagogika fanlari nomzodi, dotsent Musayev Baxrom Baxtiyorovich | Oʻzbekiston davlat jismoniy tarbiya va sport universiteti |
| 34. | Paxta tolasi toylarini hisobga olish, ketma-ket raqamlash va ajratish tizimini ishlab chiqish | texnika fanlari doktori Gulyayev Rinat Amirovich | “Paxta ilmiy-innovatsion markazi” MChJ |
| 35. | Yurak qon-tomir kasalliklari xavfini erta aniqlash va bashorat qilish intellektual tizimi | texnika fanlari boʻyicha falsafa doktori (PhD) Xidirova Charos Murodilloyevna | Muhammad al-Xorazmiy nomidagi Toshkent axborot texnologiyalari universiteti |
| 36. | Gʻildiraklarning koʻndalang bazasi kengligidagi gʻoʻza qator oralariga mos ravishda rostlanadigan universal traktorning tajriba nusxasini yaratish | texnika fanlari boʻyicha falsafa doktori (PhD) Axmedov Sherzod Anvarxon oʻgʻli | “Qishloq xoʻjaligi mashinasozligi konstruktorlik-texnologik markazi” MChJ |
| 37. | Sholining eksportbop “Guliston” navining birlamchi urugʻchiligini tashkil etish | qishloq xoʻjaligi fanlari nomzodi Xojambergenov Gʻanibay Ametovich | Don va dukkakli ekinlar ilmiy-tadqiqot instituti Qoraqalpogʻiston ilmiy-tajriba stansiyasi |
| 38. | Qoraqalpogʻiston sharoitida kuzgi yumshoq bugʻdoyning istiqbolli “Shortanbay-1” navining birlamchi urugʻchiligini tashkil etish | biologiya fanlari nomzodi Absattarov Niyetbay Allanbergenovich | Don va dukkakli ekinlar ilmiy-tadqiqot instituti Qoraqalpogʻiston ilmiy-tajriba stansiyasi |
