Innovatsion rivojlanish vazirligi tomonidan oʻtkazilgan “Boʻlajak olim” tanlovi gʻoliblarini eʼlon qilishni davom etamiz. Vazirlik Hayʼatining qaroriga muvofiq yana 14 nafar ilmiy gʻoya mualliflarini ragʻbatlantirilishi tasdiqlandi. Tanlov ikki bosqichda oʻtkazildi. Iqtidorli yoshlarning tanlovga taqdim etilgan aniq amalga oshirish mexanizmlari, muddati va dastlabki natijalari koʻrsatilgan ilmiy gʻoyalari Yoshlar akademiyasi tomonidan koʻrib chiqildi. 1-bosqich natijalari boʻyicha tanlovning 2-bosqichida ishtirok etadigan talabgorlar toʻgʻrisida yigʻma roʻyxat shakllantiriladi. 2-bosqichda talabgorlar oʻz ilmiy gʻoyalarini Tanlov komissiyasi oldida taqdimot (prezentatsiya) koʻrinishida himoyasini oʻtkazdilar. Taqdimot himoyasida talabgorlar ilmiy gʻoyani qisqa, loʻnda va asoslangan holda ochib berishi hamda puxta tayyorgarlik koʻrgan holda ishtirok etishlari talab etildi. Kamida 50 ball toʻplagan ilmiy gʻoyalar Tanlov komissiyasi qarori bilan gʻolib deb topildi. Tanlov davom etmoqda.
“Boʻlajak olim” tanlovi natijalariga koʻra ragʻbatlantirilishi tasdiqlangan ilmiy gʻoyalar roʻyxati
| T/r | Ilmiy gʻoya nomi | Ilmiy gʻoya muallifi | Ilmiy gʻoya asosida maket/prototip yaratish muddati | Tavsiya etilgan mablagʻ (mingsoʻm) |
|---|---|---|---|---|
| 1. | Tarkibida azot, fosfor (NP) va rux mikro elementi tutgan suyuq holdagi oʻgʻitlar olish texnologiyasini ishlab chiqish | Akramjonov Asqarxoʻja Akbarxoʻja oʻgʻli, | 12 oy | 84 670,0 |
| 2. | Shakar oʻrnini bosuvchi moddalar asosida qonda giperglikemiya chaqirmaydigan oziq-ovqat mahsulotlarini ishlab chiqarish (“Sugar Free” loyihasi) | Axmedova Gulsara Bahodir qizi, | 12 oy | 86 005,0 |
| 3. | VR texnologiyasi asosida odam anatomiyasini oʻrganish | Azizov Lutfulla Hamidulla oʻgʻli, Toshkent shahri | 12 oy | 80 000,0 |
| 4. | Podshipnik xalqa materialini mahalliy sharoitda olish | Baymirzayev Akbarjon Rustamjon oʻgʻli, Andijon viloyati | 12 oy | 86 790,0 |
| 5. | Talabalar turar joyi xonalarining onlayn taqsimoti | Bekmirzayev Shohruhbek Olimjon oʻgʻli, | 12 oy | 55 000,0 |
| 6. | Qizilqum fosforitlarini kimyoviy faollashtirish orqali ammoniy selitraga qoʻshish natijasida,fizik-kimyoviy xossalari nisbatdan yuqori boʻlgan ammoniy selitra ishlab chiqarish texnologiyasini yaratish | Fatilloyev Shamshod Fayzullo oʻgʻli, | 6 oy | 84 002,0 |
| 7. | Soʻzlashuvchi qoʻlqoplar (“Talk Hand”) | Fayziyeva Malika Alisher qizi, | 12 oy | 88 260,0 |
| 8. | Kombinatsiyalashgan quyosh chuchitgich-quritgich qurilmasi | Fayziyev Shaxobiddin Shavkatovich, | 12 oy | 85 000,0 |
| 9. | Oʻzbek tasviriy sanʻatining qadimiy va noyob namunalarini animatsion usulda targʻib qilish | Haydarova Nigora Tohirjonovna, Toshkent shahri | 6 oy | 40 000,0 |
| 10. | Smart suv oʻlchash qurilmasi | Moʻydinjonov Ikromjon Ilxomjon oʻgʻli, Fargʻona viloyati | 8 oy | 21 490,0 |
| 11. | Ildizmevali ekinlarni qazgich ishchi organini ishlab chiqish | Karimov Akmal Akbarovich, Qashqadaryo viloyati | 10 oy | 38 200,0 |
| 12. | Qishloq xoʻjaligi zararkunandalariga qarshi kurashda yangi raqamlashtirilgan kurash tizimi | Karimov Ravshan Asqar oʻgʻli, | 12 oy | 88 000,0 |
| 13. | Nikel kirishma atomlari nanoklasterlariga ega yangi turdagi effektivligi yuqori fotoelement olish | Kenjayev Zoir Toxir oʻgʻli, | 12 oy | 87 880,0 |
| 14. | Vacum Pump | Mamatov Valijon Ikrom oʻgʻli, | 12 oy | 47 300,0 |
