Vazirlar Mahkamasining 2021 yil 19 aprel 222-son qarori bilan tasdiqlangan “Yosh olimlarni yetakchi xorijiy ilmiy tashkilotlarga qisqa muddatli ilmiy stajirovkalarga yuborish tartibi to‘g‘risida”gi nizomning (keyingi o‘rinlarda-Nizom) 5-bobida stajirovka yakuni bo‘yicha hisobot taqdim etish tartibi belgilangan.
Nizomning 5-bobiga muvofiq quyidagigar belgilangan:
40-bandiga muvofiq stajirovka yakuni bo‘yicha moliyaviy va ilmiy hisobotlar taqdim etiladi;
41-bandiga muvofiq stajirovka o‘tash uchun ajratilgan mablag‘lardan foydalanish yuzasidan moliyaviy hisobot buyurtmachilar tomonidan tasdiqlangan va tegishli hujjatlar, shu jumladan, xarajatlarni tasdiqlovchi hujjatlar ilova qilingan holda, g‘olib nomzodlar stajirovka o‘tab kelgan kundan boshlab 10 ish kunida qog‘oz va elektron shaklda Ilm-fanni moliyalashtirish va innovatsiyalarni qo‘llab-quvvatlash jamg‘armasiga (keyingi o‘rinda - Jamg‘arma) taqdim etiladi.
Bunda hisobot ma’lumotlariga asosan belgilangan tartibda ishlatilmagan (iqtisod qilingan va maqsadsiz sarflangan) mablag‘lar stajirovka yakunlangan kundan boshlab 25 ish kunida Jamg‘armaga qaytarilishi shart.
43-bandiga muvofiq stajirovka yakuni bo‘yicha g‘olib nomzodlar tomonidan stajirovka o‘tab kelgan kundan boshlab 10 ish kunida ilmiy hisobot tayyorlanadi.
Ma’lumot uchun: stajirovka o‘tab kelgan g‘olib nomzod, stajirovka o‘tab kelgan kundan boshlab 10 ish kunida ilmiy hisobot tayyorlaydi va tegishli tartibda buyurtmachi kollegial organiga kiritish uchun choralarni ko‘rishi shart.
44-bandiga muvofiq ilmiy hisobot buyurtmachilarning kollegial organiga ko‘rib chiqish va tasdiqlash uchun kiritiladi.
45-bandiga muvofiq ilmiy hisobot tasdiqlanmagan taqdirda yosh olimning stajirovka davrida ishlatilgan mablag‘lari uning ish haqidan ushlab qolinib, Buyurtmachi tomonidan Jamg‘armaga o‘tkazib beriladi.
46-bandiga muvofiq tasdiqlangan ilmiy hisobot va kollegial organ qarori nusxasi buyurtmachilar rasmiy kuzatuv xatiga ilova qilingan holda kollegial organ qarori chiqqan kundan boshlab 10 ish kunida qog‘oz va elektron shaklda Innovasion rivojlanish agentligiga (keyingi o‘rinlarda-Agentlik) taqdim etiladi.
Ma’lumot uchun: ilmiy hisobot bir vaqtni o‘zida qog‘oz va elektron shaklda Agentlikka taqdim etiladi. Taqdim etiladigan ilmiy hisobotni elektron shakli bilan qog‘oz shakli ma’lumotlari bir hil va to‘liq bo‘lishi shart.
47-bandiga muvofiq g‘olib nomzodlar stajirovka o‘tab kelgan ilmiy-tadqiqot ishlari natijalari bo‘yicha xorijiy ilmiy anjumanlarda ma’ruza bilan ishtirok etishi va xalqaro tan olingan ma’lumotlar bazasidagi yetakchi ilmiy jurnallarda nashr qilishi, shu bilan birga, kamida bir yil davomida Agentlik tomonidan tashkil etiladigan va boshqa tadbirlarda stajirovka davrida to‘plangan tajribalar va olgan bilim va ko‘nikmalari borasida o‘z fikr va mulohazalarini bayon etishi lozim.
48-bandiga muvofiq hisobot va ma’lumotlar haqqoniyligi yuzasidan buyurtmachilar rahbarlari javob beradilar.
Yuqoridagilarni inobatga olgan holda, buyurtmachilardan:
yosh olimlar stajirovka yakuni bo‘yicha belgilangan moliyaviy va ilmiy hisobotlarini sifatli tarzda tayyorlab, o‘z vaqtida, Nizom talablariga qat’iy rioya qilgan holda Jamg‘armaga hamda Agentlikka taqdim etishlarini tashkil qilishlarini so‘raymiz.
Ma’lumot va qo‘shimcha so‘rovlar uchun: Ilmiy stajirovkalarni va laboratoriya asbob-uskunalari xaridini tashkil etish bo‘limi boshlig‘i Taxirov Sarvarbek Matchanovich telefon: (71) 203 32 23 (655) mobil: (90) 989 24 05, elektron manzil: s.takhirov@ilmiy.uz.
