21-avgust kuni Nukus Yoshlar Texnoparkida “Yoshlarning raqamli iqtisodiyot va raqamli tadbirkorlikni rivojlantirish imkoniyatlarini kengaytirish” loyihasi doirasida startaplar taqdimoti tadbiri bo‘lib o‘tdi.
Tadbir Innovatsion rivojlanish agentligi, Shveytsariya taraqqiyot va hamkorlik agentligi (SDC), Iqtisodiyot va moliya vazirligi hamda BMTTD hamkorligida tashkil etildi.
Tantanali marosimda BMTning Taraqqiyot Dasturi (UNDP) doimiy vakili Akiko Fudji shuningdek, Shveytsariyaning O‘zbekistondagi elchixonasi hamkorlik bo‘limi rahbari, missiya rahbari o‘rinbosari Andrin Fink ishtirok etdilar.
Tadbir davomida yosh startapchilar o‘z innovatsion g‘oya va loyihalarini hakamlar hay’ati qarshisida taqdim etishdi. Saralangan eng yaxshi loyihalar maxsus sertifikatlar va esdalik sovg‘alari bilan taqdirlandi.
“Demo Days” – bu nafaqat yosh tadbirkorlar uchun o‘z g‘oyalarini amaliyotga tatbiq etish maydoni, balki xalqaro hamkorlik uchun yangi bosqichni boshlab beruvchi muhim voqea bo‘ldi.
