O‘zbekiston Respublikasi Bosh vaziri tomonidan 2025-yil 7-mayda tasdiqlangan “Yoqilg‘i-energiya resurslaridan foydalanish sohasida savodxonlikni oshirish bo‘yicha dastur” ga asosan “Energiya tejamkorligi va energiya samaradorligi yo‘nalishlarida ilmiy tadqiqotlarni tashkil etish” mavzusida onlayn seminar-trening o‘tkazildi.
Unda korxonalarning energiya samaradorligini oshirish bo‘yicha ehtiyojlari va muammolari yechimiga olimlarni jalb qilish, energiya tejamkorlikka erishishda ilmiy ehtiyojlarni shakllantirish masalalari muhokama qilindi.
30 tadan ziyod vazirlik, idora va iqtisodiyot tarmoq korxonalarining energiya samaradorligini oshirish hamda innovatsiyalar bo‘yicha mas’ullari ishtirok etgan seminar-treningda mavzu doirasidagi turli savollar yuzasidan fikr almashildi.
Iqtisodiyot tarmoq korxonalarining soha yo‘nalishi bo‘yicha mas’ullari bilan hamkorlikda ehtiyojlari va muammolari asosida loyiha mavzularini shakllantirishga kelishib olindi.
