Milliy Ilmiy Portali

Qirg‘iz Respublikasining Cho‘lpon-Ota shahrida o‘tkazilayotgan III Turkiy davlatlar Universiadasi doirasida dzyudo bahslari yakuniga yetdi.

Ulug‘bek Azizov va Aziz Tashmatov murabbiyligidagi talaba-dzyudochilarimiz musobaqada 4 ta oltin, 4 ta kumush va 4 ta bronza, jami 12 ta medalni qo‘lga kiritib, umumjamoa hisobida ikkinchi o‘rinni egallashdi. Bizdan bitta oltin medal ko‘p jamg‘argan Qozog‘iston terma jamoasi birinchi o‘ringa sazovor bo‘ldi.

Oltin medal sohiblari:

• -52 kg: Zarina Jamalova — O‘zbekiston davlat jismoniy tarbiya va sport universiteti
• -57 kg: Rayhona Mamatova — O‘zbekiston davlat jismoniy tarbiya va sport universiteti
• -73 kg: Hojiakbar Toshev — Buxoro davlat universiteti
• +78 kg: Mohlaroyim Tuxtamisheva — O‘zbekiston milliy universiteti

Kumush medal sohiblari:

• -48 kg: Ruxshona Alisherova — Buxoro davlat universiteti
• -63 kg: Marjona Nurillaeva — O‘zbekiston-Finlandiya pedagogika instituti
• -66 kg: Shohjahon Otaboev — O‘zbekiston davlat jismoniy tarbiya va sport universiteti
• -100 kg: Muhammadali Tangriev — O‘zbekiston davlat jismoniy tarbiya va sport universiteti

Bronza medal sohiblari:

• -60 kg: Kamoliddin Baxtiyorov — Qarshi davlat universiteti
• -70 kg: Shirinjon Yuldasheva — O‘zbekiston-Finlandiya pedagogika instituti
• -81 kg: Nodir Mavlonberdiev — Urganch davlat universiteti
• -90 kg: Sardorbek Erkinov — O‘zbekiston davlat jismoniy tarbiya va sport universiteti

Talaba-yoshlarimizning ushbu yutug‘i mamlakatimiz sport salohiyatining yuksalayotgani, xalqaro maydondagi obro‘-e’tibori tobora ortib borayotganidan dalolatdir.

Oliy ta’lim, fan va innovatsiyalar vazirligi jamoasi dzyudochi talabalarimizni hamda ularning murabbiylarini samimiy tabriklab, kelgusi musobaqalarda ham ulkan zafarlar tilaydi.